Det starta i 1972....

Svanøy Stiftelse vart etablert i november 1972, basert på ein avtale mellom Kristoffer Svanøe og direktør Christian Sommerfeldt. Dersom det let seg gjere å skaffe eit tilstrekkeleg beløp, ville Hovedgården med næraste omkringliggjande  bygningar og område, overlatast til ei stifting.
Det lukkast å få 45 stiftarar, etterkvart 65. Beløpet var over forventning, og stiftinga fekk i tillegg eit betydeleg beløp frå ein tidlegare "Noreno Stiftelse". Når dette let seg gjere skuldast det sterke anbefalingar frå staten, fylket, riksantikvar og fleire faglege institusjonar. Stiftinga sitt føremål var å restaurere hovudhusa ved Hovedgården, og la Svanøy atter bli eit impulssentrum for nye aktivitetar slik det har vore gjennom Svanøy sin interessante og ærerike historie.
Stiftelsen si første oppgåve vart i samsvar med føremålet å restaurere den praktfulle Hovedgården, som vart freda allereie 17. mars 1924. Parallelt med dette vart det etablert eit oppdrettsanlegg for aure og laks på Langøya. Stiftelsen fekk også erverva Kvalstad Gård -ein av øya sine største eigedomar. Verksemda vart leia av styreformann Christian Sommerfeldt og Harald Skjervold som formann i eit fagleg råd. Ole Svanøe var første bestyrar. 
Restaureringsarbeidet tok både tid og pengar, og vart utført av lokal arbeidskraft etter planar frå arkitekt Sverre Lid og Riksantikvaren. Slik bygningane er idag, fungerer eigedomen som eit halvoffentleg museum. Storstua og dei to tilstøtande rom er bevart. Dei øvrige rom og dei øvrige bygningar er restaurert med uforandra eksteriør, men innreidd til forskjellige føremål under Stiftelsen si verksemd.

Svanøy Hovedgård 1997
Utbygginga av oppdrettsanlegg for laks og aure var ei viktig satsing som har lagt grunnlag for ei stor næring på Svanøy. Det er neppe å ta for sterkt i om ein hevdar at Stiftelsen på dette felt har vore ein pioner for ei ny hovudnæring i Noreg. Det vart utført ei rekke forsøk ved fiskeanlegga som vart etablert. Desse anlegga eksisterer også idag, men har skifta eigar. Svanøy Havbruk har stamfiskavd., settefiskavd. og matfiskavdeling. I tillegg finns Marø Havbruk som produserer matfisk.
På Kvalstad Gard vart det i 1975 etablert ein avlsstasjon for and og gås, og i 1980 ein forsøksstasjon for storfugl, tiur og røy. Basert på tilskot frå Distriktenes Utbyggingsfond og Landbrukets Utbyggingsfond, delvis også Norges Bondelag, vart det her gjennomført forsøk over ein 10-års periode. Det vart også arbeidd ei årrekke med eit prosjekt for produksjon av snittgrønt, herunder kristtorn. I 1990 vart det etablert eit  pilot anlegg for oppdrett av hjort og dåhjort, noe som seinare er blitt til Norsk Hjortesenter - eit ledende kompetansesenter i høve til vill hjort og hjort i oppdrett.
Stiftelsen har helde ei lang rekke konferansar og møter for organisasjonar med tilknytning til og interesse for dei verksemder som Stiftelsen har arbeidd med. Det gjeld mellom anna Norsk Kulturråd, Kulturminnerådet, Skandinavisk Museumsforbund, Stortignets Landbrukskomité og forskjellige fiskeriutval, samt fylkeskomunane og kommunale institusjonar. Kronprinsparet og ei rekke statsrådar har også vore på besøk.

Besøk av Kong Harald og Dronning Sonja (den gang kronprinspar), den 16. juni 1979. Christian Sommerfeldt finner plass for signering i  gjesteboka.

 

Ringverknadane har vore mange sidan Stiftelsen vart etablert. Øya har fått vannverk, nye vegar og møtelokaler for å nemne noko.

 

Liste over stiftarane kan du sjå her.

Styre og daglig leder for Svanøy Stiftelse

Denne siden ble sist oppdatert 16.12.2006